العفن لامايستغل اسم الاجواد = ويجيّره لحساب ذولا وذولا



 الباب دونه حارس بكل مرصاد = ماله لوا لو قال لولا ولولا



 لو هو كتب اسمه على اسمه بالاعداد = مجلته واعدادها هو بها اولى



 محدٍ درى عن خامد الريح ياابجاد =  واللي سواته لو تلى مايتولا



 لكن تدرق باسم ماضين الامجاد = اثول يبي يمرر تمارير ثولا



  اعمى تصرف واعمى عين وافواد = هو يحسب ان الناس عميا وحولا



 المثعله والمرخمه فيه تزداد =  ويد التطاول بالقفى فيه طولى



  قدام وجهي كن بعيونه ارقاد =  وان غاب عني صار قايد جلولا

 

  لا والذي سواه من روح واجماد = مااتركه كود يدل دربه دلولا



  ان ما غدى رجال قدام الاشهاد = وكب الهوى اللي به علينا تهولا



 عندي مسجاته توسل مع اجلاد = في علبة الوارد تجيبه علولا



ماعاد يقدر ردها لو لها راد = ولا عاد تنفع قولته ياحلولا

 

 والله لجاهد مُجهد الجهد باجهاد = وارجعه لهموم سيرته الاولى



  والا يروح بشلته عننا غاد = وعند البقاله يشتري كوكا كولا