حبيبي يوم هبّ البرد وش علمـك فركـت يديـك = تبي تدفـى يدينـك كـان اتـم الموعِـد بوعـده 



بليـلٍ مـن سهـر وحكايتيـن وعاشـقٍ يهديـك = سحابٍ ما على برقـه مـلام ليـا بكـى رعـده 



لو اني ما كتبت من القصيـد الا قصيـدي فيـك = يكفّي لجـل اكـون اللـي ولا قبلـه ولا بعـده 



ترى شاعرك لا جفت بحـور ومـرّ بـه طاريـك = يصيـر النابغـه بقيـاس ذبيـان وبنـي جـعـده 



ابكتب بك غزل واكتب غزل واكتب غزل وارضيك = واقرّب مفـرداتٍ مـن خيـال الشعـر مبتعـده 



احبـك لعنبـو قـل المواصـل ويـن بيـوديـك = كأنك في دمشق وكنـي اسكـن مـن ورا صعـده 



انا داخل علـى الله لا تخلينـي عليـك اشكيـك = ترى عظامي من البـرد وقليـل الوصـل مرتعـده