المدينه نايمه 

مع ضجة يدين النهار 

وارتباكات الخطاوي 

في طريقٍ مزدحم باشجار 

ما فيها خضار 

تبتسم للرايح الجاي بسكونه

وتلقط انفاس الغبار 

ومن حمل همّه على متنه 

صحى بدري 

على همّه وغمّه

ما قدر ياخذ قرار !! 

ما قدر حتى يجاوب :

ليه هالدنيا تنسيّنا أسامينا ولا ننسى الحضور 

كل يوم 

ونضبط الساعه 

ولا نضبط مشاعرنا 

على والد و جار !! 

وليه هالدنيا تخليّنا نخليّها تصرّف 

أو بمعنى 

ليه ما ناخذ قرار ؟

نصرخ بوجه الظلام 

نلعن الليل الطويل المنتشر في كل دار 

نعكس التيّار !

ونحاول نجرّب 

نفهم الدنيا مثل ما هي 

مع انّا ما عرفناها 

ولا عشنا حقيقتها

ولا شفنا الخيال !

باختصار

ليش ما نعبث بما 

يقبل انّا فيه نعبث 

أو نموت 

دون ما ناخذ قرار !!!!!