إشتقت لك .. طارت من عيوني ايام = وعجزت الملم حيرة الوقت فيني
البارحة مريت في بال الاقلام = واثر الورق يسمع رجاوي حنيني
ما فل سبحة ضيقتي عضة ابهام = من ضيقتي عضيّت ماضي سنيني
بيني وبين البسمة عناد وخصام = حتى ابتسامة شفتي ما تبيني
يا غايبة صاروا أحاسيسي ايتام = شوفي اليتامى دمعهم وسط عيني !
أذكرك وابكي دمع واحياناً ايام = أسهر وابعثر حيرة الوقت فيني
|
قصيدة : إشتقت لك - قصائد غزل
طباعة القصيدة
ارسل لصديق