من التنهيد يا ضيق الصدور ووسع امانينـا= يرتبنا السهر للصبح.. قبل الصبح  ينسانـا 



كأن جروحنا ما تستريح .. ومالهـا  مينـا= كأن ايامنا تضحك علينـا .. أو تحدانـا  !! 



تعبنا من تعبنـا وابتهـالات التعـب فينـا= تصحيّنـا مواجعنـا تضيّعنـا وتلقـانـا ! 



ملامحنا يبعثرهـا الحنيـن وجُـل اغانينـا= على نوتـة وداع الفـرح تكتبنـا وتقرانـا 



وش ادهى من ضجيج الذكريات اللي تنادينا= واذا جينا لقينـا عمرنـا مخنـوق جوّانـا 



كثير احيان نجلس بـس نتذكّـر  أسامينـا= ونغرق فـالسكوت احيان لو إنسان  نادانـا 



على نهر العطش يامـا توّقفنـا  خطاوينـا= نعلّ ويرتوي منا العطش .. يا ظلم دنيانا  ! 



كأن الحزن صرخة كل ما نغفـى  تصحينـا= على جمر المواجع لين هذا الحـزن أفنانـا 



يمر من العمر نصفه وحنـا فـي  مآسينـا= ونقضي نصفه الثاني على أطـلال  ذكرانـا 



نمارس لعبة التخمين من بكـره يبكيّنـا  ؟= اذا اكثر دمعنا لاحبابنا وش عاد لـاعدانا !! 



كأن صدورنا مـا تحتمـل تنهيـد امانينـا= وكن العمر ياخذنا عـن الدنيـا وينسانـا !